Laga av Linda

Kattegensar til vaksen

2012-02-14T21:06:00.002+01:00

Dette er eit bestillingsverk; ein kattegensar i str M. Ein tru kopi av denne: http://lindeik.blogspot.com/2011/03/kattegenser.html

Gensaren er strikka i Shetland Soft frå holstgarn.dk. Veldig mjuk og varm gensar!

Albogelapp

2012-02-07T19:40:00.003+01:00

Det var hol på albogen på gensaren frå Nøstebarn. Det måtte fiksast, og 3-åringen vart svært fornøgd (men prega av stundens alvor)!

RETRO: Grå og kvit kofte

2012-02-02T21:20:00.003+01:00

Denne kofta er kanskje det kjæraste strikkaplagget eg har. Mamma strikka den til pappa då eg var lita- så den er sikkert snart førti år gamal. Eg overtok den for mange år sidan, og har brukt den flittig.

Ermane ber preg av mykje bruk- her må eg nok snart til med litt reparasjon.

Eg reknar med at kofta har eit namn. Kanskje nokon av blogglesarane veit det??

Oransje lue

2012-01-29T20:01:00.003+01:00

Minstejenta har oransje som favorittfarge. Ho var ikkje heilt fornøgd med fargen på denne snurrelua- det skulle eigentleg vere litt skarpare og lysare oransje. Strikka av Sterk frå DSA, pinnar nr 3,5. I dag vart lua testa i eit aldeles nydeleg vinterver på Sunnmøre!

Mariusmonster

2012-01-22T20:38:00.002+01:00

Monsterbukse i str 1 år. Strikka i Smart, pinnar nr 3,5.

RETRO: Fargeglade strømper

2012-01-19T17:57:00.002+01:00

I dag har eg henta frå ein fargerik godbit frå min lange strikkekarriere. Strømpene strikka eg då eg gjekk på vidaregåande, altså mot slutten av 1980-talet. Dei vart mykje brukt då eg gjekk på folkehøgskule i Finnmark, hugsar eg.

Strikka av restegarn. Og så vart det utruleg mange trådar å feste... :-)

RETRO: Svart og brun genser

2012-01-19T17:47:00.004+01:00

Ein brun og svart genser får æra av å starte ein serie her på bloggen min: eg hentar fram strikka kleda frå "gamle dagar"- dvs frå før eg starta blogginga. Denne genseren strikka eg på slutten av 80-talet ein gong, trur eg. Eg hugsar framleis at dama i strikkebutikken protesterte heftig då eg plukka ut fargane, ho meinte mønsteret ikkje kom til å vise skikkeleg:-)

Eg trur genseren er strikka i Heilo frå Dale, sidan det var yndlingsgarnet mitt på den tida. Varm og god og mykje brukt!

Monsterbukse

2012-01-17T21:37:00.003+01:00

Nok ei monsterbukse er klar til bruk. Str 6-7 år, strikka i Smart frå Sandnes.

Tunika

2012-01-07T19:44:00.004+01:00

Denne tunikaen var tidkrevjande. Ikkje strikkinga, men heklinga og trådfestinga.... Strikka og hekla i Falk frå Dalegarn i str L, pinnar nr 3,5.

Det er til saman 24 heklarutar på plagget: åtte framme og åtte på kvar erm.

Oppskrifta er henta frå Dalegarnhefte nr 245, Konfekt. Tunikaen skulle eigentleg lagast av alpakka, men eg valde altså Falk.

Jakker og tunika

2011-12-30T22:18:00.003+01:00

Sett i str 2 år. Rillejakke og tunika, oppskrift frå Strikk til Nøstebarn. Strikka av 3-trådsgarn frå Nøstebarn.

Kragejakke i str 4 år, oppskrift frå Strikk til Nøstebarn. Strikka av diverse restar i blå- og gråtonar.

Space-Marius

2011-12-30T22:15:00.003+01:00

Denne er i str 6 år, strikka i Smart frå Sandnes. Inspirasjonen fann eg i same blogg som for Moods-Mariusen: http://www.tynn.no/syl/2010/11/lek-med-m%C3%B8nster/

Moods-Marius

2011-12-30T22:01:00.007+01:00

Då kan eg endeleg vise fram årets julegåver;-) Denne gensaren er strikka i Smart frå Sandnes, str 8 år. Inspirasjon fann eg i denne bloggen: http://www.tynn.no/syl/2010/11/lek-med-m%C3%B8nster/

Iphonegenser

2011-11-24T21:30:00.003+01:00

Det går mot vinter og då må sjølvsagt telefonen få etui for å halde kulda ute:-) Strikka i alpakka frå Sandnes, pinnar nr 3.

Tunika/vest

2011-11-24T21:23:00.004+01:00

Kjapp og enkel tunika/vest. Strikka i Lima frå Drops. Str. 8 år.

Rosalilla monster

2011-11-22T20:08:00.003+01:00

Kjekt å få unna nokre restar- denne monsterbuksa i ca str 8 år er strikka i rosa og lilla nyansar. Pinne nr 4.

Snurreluer

2011-11-22T20:00:00.003+01:00

Mønsteret til desse luene fann eg i denne bloggen. Begge er strikka i Sterk fra Du Store Alpakka på pinne nr 3,5. Eit mjukt garn som er godt å strikke med!

Marius

2011-10-23T20:06:00.005+02:00

Marius med rundfelling i str 1 år. Strikka i alpakka frå Sandnes på pinne nr 3 og 3,5.

Glade striper

2011-07-17T20:27:00.002+02:00

Dette er fargar til å bli glad av! Strikka i 3 tråds merinoull frå Nøstebarn, str ca 8 år. Litt varm no om sommaren, men kjem nok til å verte flittig brukt i vinter.

Dynetrekk-kjolar

2011-07-12T21:17:00.003+02:00

Eit godt brukt dynetrekk med fine rosa blomster= kjolar i str 4 og 8 år. Og framleis er det stoff til mange fleire plagg:-)

Kjolar

2011-07-12T21:05:00.003+02:00

Endeleg tid til litt sying! Først ein kjole i str 4 år, sydd av eit dynetrekk frå loppemarknad:

Så ein trollungetunika i str. 4 år. Stoffet er frå Panduro.

Og til slutt ein epletunika i str 4. år. Og dette stoffet er frå Panduro.

Heia Hødd!

2011-07-11T21:43:00.003+02:00

Denne kjolen/tunikaen er strikka med utgangspunkt i denne oppskrifta: http://www.pickles.no/pickles/2011/5/26/enkel-kittel-med-hette-plain-girlie-hoodie.html frå fantastiske Pickles. Strikka i dobbel Lerke frå Dale på pinnar nr 5,5, str 8 år. Hødd er fotball-laget her i kommunen- eitt av topplaga i 1. divisjon.

Rosa vestar

2011-06-06T21:10:00.004+02:00

Vestane er strikka i 2-tråds ull frå Nøstebarn. Den minste er i str 0-3 mnd, den største ca 3 år.

Grønt monster

2011-03-29T20:56:00.002+02:00

Her fekk den grøne haugen med restegarn bein å gå på:-) Monsterbukse i ca str 6 år, pinnar nr 4,5.

Kattegenser

2011-03-06T20:32:00.005+01:00

Kattegenseren er strikka etter oppskrift frå Nøstebarn. Str 4 år, pinnar nr 3. Garn: Shetland soft frå Malsenogmor.

Milo

2011-03-06T20:28:00.005+01:00

Denne Miloen er strikka i dobbel Baby Merino frå Drops. Pinnar nr 4,5, str 6 mnd.

Enkel vest

2011-03-01T21:16:00.002+01:00

Nok ein enkel vest (Pickles). Denne er strikka i beige Viking Alpaca på pinnar nr 6. Str 4 år.
Marihøneknappar:

Still light igjen

2011-02-19T18:06:00.003+01:00

Denne Still lighten er strikka i Shetland soft frå Malsenogmor. Str S på pinnar nr 3. Garnet er utruleg lett og drygt- så det gjekk med berre 300 gram. Her er ein detalj frå eine lomma:

Lilla lukke

2011-02-19T17:59:00.002+01:00

Denne kjolen er sydd av bomullsstoff (ermane) og polarfleece. Str 1 1/2 år.

Frottekjole

2011-02-16T21:04:00.005+01:00

Dette herlege frottestoffet frå finske Myllymuksut måtte straks omsetjast til noko- og det vart ein kjole i str 2-3 år.
Ermane er laga av eit oransje dynetrekk frå 70-talet.

(Hm, ser litt merkeleg ut på venstre sida her, men kjolen vart visst bretta inn der då eg tok bildet)

Uglekjole

2011-02-16T20:57:00.001+01:00

Kjolen er i str 10 år. Sydd av brun babykord og uglestoff frå Stoffogstil.

Timmytid!!!!

2011-02-01T17:33:00.007+01:00

Dei fleste småbarnsforeldre kjenner nok til det vesle lammet Timmy frå Barne-tv. 2-åringen i huset er stor fan, så ein Timmykjole var absolutt midt i blinken:-)

Timmystoffet kjøpte eg på ebay. Det svarte er polarfleece.

Lei av fotografering.....

Oldemorskjole

2011-02-01T17:27:00.002+01:00

Saum og hekling i kombinasjon her. Sjølve kjolen er i brun polarfleece. Oldemorsrutene er hekla av ullgarn. Str ca 40.

Tunika og kjole

2011-01-30T17:56:00.004+01:00

Endeleg litt sying:-) Her er ein kjole og ein tunika i str 2-3 år. Stoffet er frå Panduro.

Milo igjen.. :-)

2011-01-23T20:49:00.004+01:00

Eg kjem stadig tilbake til denne oppskrifta: vesten Milo. Denne har eg strikka i Baby Merino frå Drops, pinnar nr 3,5. Strikka i str 1 år, men sidan eg har brukt tynnare pinnar og garn enn det eigentleg skal vere- vil nok denne passe til ca 3 mnd. Denne blir gåve til ein nyfødd liten herremann:-)

Sovevottar

2011-01-01T14:09:00.006+01:00

Eit par sovevottar til tanteungen på 1 år. Gode å ha i vogna! Brotet er strikka i babyull frå Dale. Resten er strikka i Tove på pinnar nr 5. Vottane er tova på 60 grader. Oppskrifta er her.

Still light

2011-01-01T13:59:00.004+01:00

Puh! Still light-tunikaen vart ferdig no i romjula. Den er strikka i Arwetta ekstra fin merino, fargen heiter nougat. Str M.

Monsterbukse X 2

2010-12-25T20:08:00.003+01:00

Desse to var julegåve: monsterbukser. Den grå/rosa er i str 2 år. Den grå/blå er i str 4 år. Begge er strikka i Smart på pinne nr 4.

Lue

2010-11-24T19:47:00.004+01:00

Då var også lua ferdig. Høyrer altså saman med dressen i innlegget under:-)

Dress

2010-11-24T13:22:00.005+01:00

Nok eit bestillingsverk er ferdig; heil dress i str 2 år. Dressen er strikka i Smart på pinnar nr 2,5/3,5, og oppskrifta er frå Sandnes.

Enkel vest- igjen

2010-11-20T16:24:00.003+01:00

Det vart ein enkel vest til, gitt. Garnet er handfarga merinoull frå Tanis Fiber Arts og fargen heiter seabreeze. Eg strikka i str 3 år, men sidan eg brukte litt tynnare pinnar enn det eigentleg skal vere, er vesten heller i str 2 år.

Enkel vest

2010-10-29T09:07:00.004+02:00

Denne vart mjuk og varm, altså! Oppskrifta er frå Pickles. Eg har strikka den på pinnar nr 4,5 og garnet er økologisk ull frå Järbo Garn. Str 1 år.

Definitivt haust!

Bukse og jakke

2010-10-26T20:21:00.006+02:00

Dette settet frå Sandnes er strikka på bestilling. Jakke og bukse i Sisu, pinne nr 3. Settet er til ei jente på snart to år:-)

Sommarstrikk

2010-08-07T20:17:00.004+02:00

Sommar er visst dårleg tid for bloggskriving- men eg har produsert litt, altså;-) Her er ein bunke klutar/oppvaskklutar som er strikka/hekla i løpet av sommarvekene:
Strikka:
Hekla:

Sidelæns

2010-08-07T20:11:00.003+02:00

Garn og oppskrift til denne kjolen- Sidelæns- er kjøpt hos Geilsk. Garnet er ei blanding av ull og bomull, og som namnet fortel, er kjolen strikka sidelengs. Eg har strikka den i str 2 år.
Marihøneknappar:

Slik ser kjolen ut bak:

Evigheitsprosjekt..

2010-06-09T22:25:00.005+02:00

Dette skal etter planen bli sengeteppe til ei enkeltseng. Fire fargar; kvit, rosa og to lillafargar. Det går nok både vinter og vår før teppet blir ferdig, men eg er i alle fall godt i gang!

Nøstebarndress

2010-06-08T22:19:00.005+02:00

Denne blir god under regndressen til hausten! Oppskrifta er henta frå nøstebarnboka. Str 3 år. Garn frå 123knit (New Zealand lammelull).

Jakke

2010-05-06T21:35:00.005+02:00

Oppskrifta til denne jakka er henta frå Sandnes. Eg har strikka den i Rowan Baby Alpaca, str 2 år. Flettemønsteret var litt plundrete, men vart veldig dokorativt.

Vesle oldemor

2010-04-08T21:11:00.002+02:00

Her har eg kombinert sying og hekling. Sjølve kjolen er av grå polarfleece. Kanten er sett saman av oldemorsruter, hekla av diverse ullgarnrestar. Str 6 år.

Lilla kjole

2010-04-08T10:35:00.001+02:00

Blod på tann? Tja, gøy å sy i alle fall! Her er ein liten kjole i lilla ullfilt frå Stoff og stil. Sjølvlaga mønster. Str 1-2 år, ca.

Grøn glede

2010-04-06T15:22:00.003+02:00

Endeleg har eg gjort noko anna enn å strikke! I dag har eg sydd denne kjolen- tidvis med ein feberheit 1,5åring på fanget...
Detalj:

Detalj (hjarte av vrangsida av stoffet):

Kjolen er sydd av ullfilt frå Stoff og stil. Mønsteret har eg laga sjølv.

Oline 2

2010-04-04T20:17:00.002+02:00

Då er Oline nummer to ferdig. Oppskrifta er henta frå birgirsdottir. Garnet heiter Lett Lopi. Pinnar nummer 4,5, str M/L.

Kjolen er god og varm- kanskje for varm for den årstida vi går inn i no. Men til vinteren skal den nok bli god å ha:-)

Rett i fletta

2010-04-02T11:04:00.003+02:00

DROPS har kome med eit nytt garn; Nepal, og det måtte eg sjølvsagt prøve! Garnet er ei blanding av ull (65 %) og alpakka (35 %). Det er mjukt og godt å strikke av- og resultatet vart denne genseren. Str ca 6 år, pinne nr 4,5. Eg har kalla den Rett i fletta:

Kjole i Puno

2010-02-28T21:21:00.003+01:00

Dette vart ein herleg, mjuk og varm kjole! Den er strikka i Rauma sitt nye alpakkagarn Puno.
Pinnar nr 6, str L. Rillemønster midt framme og bak:

Et gutteliv

2010-02-28T21:15:00.005+01:00

Denne oppskrifta er designa av Tora Frøseth. Eg har strikka den i Smart frå Sandnes. Pinnar nr 4,5. Str 2 år, men den passar nok betre ein 4åring....
Herleg mønster!:

Oline

2010-02-10T21:33:00.003+01:00

Kjole! Oppskrift og garn er frå birgirsdottir. Pinnar nr 4,5, garnet heiter Lett Lopi. Fargen heiter sauegrå. Str L. Varm!

Baskerlue

2009-12-29T19:46:00.003+01:00

Oppskrifta er henta frå Nøstebarnboka. Garn: dobbel mini alpakka frå Drops, pinnar nr 5. Mottakaren er litt skeptisk til heile lua...:-)

Topp med bladmønster

2009-12-27T22:03:00.003+01:00

Ikkje overraskande- eg klarte ikkje å la strikkepinnane kvile i jula. Denne toppen var rask å strikke. Mønsteret er henta frå Sandnes. Eg har brukt mini alpakka frå Drops, pinnar nr 3,5 og 4. Str 1 år.

Bak har toppen fått ein liten epleknapp:

Monsterbukse

2009-12-22T09:56:00.003+01:00

Denne blei ferdig i går- monsterbukse ca str 6 år. Den er strikka i Heilo frå Dale, pinne nr 4,5.

Bukse

2009-12-09T11:04:00.004+01:00

Ribbestrikka ullbukse i str ca 6 år. Tre rette og tre vrange. Eg har brukt Smart frå Sandnes og pinnar nr 4,5.

2009-11-22T20:30:00.003+01:00

Produksjonen går litt tregt for tida, men her er ein liten veksebody. Strikka i tynn alpakka frå Du Store Alpakka. Pinne nr 3. Manglar knappar, men det skal eg nok få ordna:-)!

Milo igjen....

2009-11-01T14:41:00.003+01:00

Eg har gjort det igjen; strikka ein Milo... Denne gongen av ein rest Rowan Baby Alpaca, ca 80 gram. Str 3-6 mnd.

Monsterbukse

2009-10-25T20:17:00.002+01:00

Her fekk litt av restegarnet bein å gå på! Buksa er strikka på pinne nr 3,5, og eg har brukt garn som Smart, Heilo, Peer Gynt.... Mønsteret fann eg her. Buksa er i str 4-5 år.

Tova babyvottar

2009-10-04T12:53:00.002+02:00

1-åringen treng sovevottar i barnehagen. Dermed vart desse til- vottar med lang vrangbrod og tova "hand". Vrangborda er strikka i Dale babyull, resten i Rauma finull.

Oppskrift:

Legg opp 52 m på pinne nr 2,5 med babyull. Strikk så langt du vil ha vrangborda. Den siste omgangen strikkar du rett og feller 22 m, dvs 30 m igjen på pinnnane.

Skift til pinnar nr 5 og finull. Set eit merke i byrjinga og etter 15 m. Auk 1 m på kvar side av merka på annankvar pinne 2 gongar. Då har du 38 m.

Eg strikka 11 cm før eg starta på fellinga: fell 1 m på kvar side av merka på kvar omgang. Når det er 6 m igjen dreg du ein tråd igjennom dei.

Tov! Eg vaska dei på 60 grader.

Milo nr 4 og 5

2009-09-13T06:46:00.002+02:00

Eg kjem stadig tilbake til favorittoppskrifta mi! To nye Milovestar er ferdige. Garnet er henta frå restelageret, og begge er i str 3 år. Den sjøgrøne er strikka i Heilo frå Dale, medan den burgunder er i Smart frå Sandnes. Begge er strikka på pinne nr 3,5, og eg brukte 150 gram garn på kvar.

Isskrapevott

2009-09-05T08:27:00.002+02:00

Framleis ei stund til vinteren kjem- men her er ein isskrapevott eg har laga. Oppskrifta fann eg i denne bloggen. Har brukt garna Tove og Fluffy og pinnar nr 4,5.

Rullegenser

2009-08-23T13:26:00.004+02:00

Då har fireåringen fått seg ny genser. Den er strikka i Classic Alpakka frå Drops, pinner nr 3,5. Har brukt oppskrift frå Nøstebarnboka- la opp i 2årsstr, strikka etter måla i 6årsstr.

Fann ikkje tre like knappar i lageret mitt, så eg drista meg til å bruke tre ulike:Genseren er mjuk og god- men fireåringen nektar førebels å prøve den.... Men eg reknar med at den blir brukt til hausten/vinteren!

Toppstykke

2009-08-02T19:49:00.005+02:00

Endeleg er Lille Topstykke ferdig! Fargen heiter lyng, så då vart det posering ved røsslyngen bak huset vårt. Mottakaren er, som vanleg, strålande fornøgd. Tunikaen er strikka i str 6 år på pinne nr 3,5 og eg brukte knapt 100 gram garn.

Strikkebøker

2009-08-01T20:10:00.003+02:00

Her er mine to siste kjøp: to strikkebøker med oppskrift på babyklede. Begge er på engelsk.
Denne har over førti oppskrifter frå 1920- til 1950åra. Mykje fint og delikat!

Dette er bok nummer 19 frå Rowan Classic. Utgitt i 2007, kjøpt på ebay. Her er det oppskrifter til både mor og barn.

Topstykke undervegs

2009-07-21T21:15:00.003+02:00

Det har vore dårleg med oppdatering her i det siste. Årsak; ferietur og jobbstart. Men altså- eg driv stadig med handarbeid. Akkurat no strikkar eg på Lille Topstykke i str 6 år. Det er absolutt eit tolmodsarbeid, for garnet er tyyyynt. Men kjolen/tunikaen blir utruleg mjuk og god!
Garnet er også veldig drygt, eg har brukt nesten 50 gram så langt. Gler meg til å sjå det ferdige resultatet!

Klutar

2009-07-04T00:17:00.003+02:00

Eg måtte strikke noko i bomull i sommarvarmen, og då blei det oppvaskklutar. Den turkise og den kvite er strikka i Paris frå Drops, medan den grøne og den rosa er strikka i Føn frå Gjestal. Alle er strikka på pinne nr 3,5 og eg har brukt 50 g gram på kvar klut.
Mønsteret er av enklaste sort; 3 rette og ein vrang på alle omgangane, noko som gir ein veldig fin effekt.

Vest i silkeull

2009-07-01T09:20:00.003+02:00

Denne er strikka i geilsk silkeull på pinne nummer 4. Str er 1-2 år og mønsteret er frå Nøstebarnboka.

Epleknappar:

Eg brukte knapt 50 gram med garn.

Maskemarkørar

2009-06-26T13:39:00.003+02:00

Følte at det var på tide å skaffe meg nokre skikkelege maskemarkørar- etter å ha brukt bindersar, garnstumpar, sikkerheitsnåler.... i alle år. Som tenkt så gjort; etter eit kjapt besøk på ebay vart eg eigar av desse herlege pingvinane:

Milo nr 2 og 3

2009-06-23T12:54:00.004+02:00

Etter å ha strikka vesten Milo, måtte eg berre strikke fleire!! Denne gongen vart det ein brun i str 3 år og ein raud i str 1 år. Begge er strikka på pinne 4 i Classic Alpakka frå Drops.
Den brune har ugleflettemønster. Til denne gjekk det med knapt 150 gram garn.

Detalj frå flettemønsteret. Den eine ugla har fått påsydd auge.

Den raude vesten har oxox-flettemønster. Eg brukte 100 gram garn til denne.

Pakke i posten

2009-06-21T20:05:00.006+02:00

Det er alltid kjekt å få pakke i posten! I går kom det dettande ein pakke frå http://www.geilsk.dk/- Oppskrift og garn til Lille Toppstykke. Har tenkt å strikke det i str 6 år, men kva tid eg får starta, tja, sei det.... Fargen heiter lyng, forresten.
Eg bestilte også eit nøste Geilsk silkeuld- førebels anar eg ikkje kva eg skal bruke det til. Nokon som har eit forslag?????

Milo

2009-06-16T21:35:00.003+02:00

Denne oppskrifta vil eg varmt anbefale! Vesten Milo er designa av Georgie Hallam, eg såg den på ravelry.com for ein månad sidan, men først for nokre dagar sidan vart oppskrifta lagt ut.
Vesten kan strikkast i str frå nyfødd og opp til 4 år. Den skal strikkast i eitt stykke og er rask å strikke! Eg brukte berre nokre timar på denne, som er i str 6 mnd.
Miloen min er strikka på pinne nr 4 i Classic alpakka frå Drops. Eg brukte knapt 100 gram garn. Denne skal eg gje i gåve til ein liten ny verdsborgar. Men det blir garantert fleire av desse!!

Indianarkjole

2009-06-15T10:15:00.007+02:00

For ei stund sidan kjøpte eg boka Spirrevipstrik av Britta Wilfert- og det første prosjektet frå boka vart indianarkjolen. Eg har strikka den på pinne nr 5 i Merino Extra Fine frå Drops (beige, brun, rosa og grøn) og ein rest med alpakka frå Sandnes (lyng).

Det var artig å strikke mønsteret, mest fordi stripene gjorde at eg såg kor arbeidet voks. Eg strikka først skjørtet, så to dei to berestykka. Kjolen er i str 6 år. Og som vanleg vart det ferdige prosjektet teke i bruk med ein gong! Bilda er knipsa før avreise til barnehagen ein vermessig sur sommarmorgon.

Restevest

2009-06-04T08:43:00.006+02:00

Denne vesten/tunikaen starta med eit intenst ønske om å lære å hekle! Har hekla rutene nedst og så strikka resten. Eg har brukt restegarn; det brune er litt babyull frå Dale, det rosa er New Zealand lammeull og det grøne er ull frå Nøstebarn. Rundt halsopninga og ermopningane har eg hekla ein omgang fastmaskar, så ein omgang med stavar. Oppskrifta er henta frå eige hovud.

Sweetheart

2009-05-27T13:17:00.004+02:00

Så vart det jammen ein kjole til:-D!! Dette er ein Sweetheartkjole, designa av Tora Frøseth. Eg har strikka den i New Zealand lammeull, pinnar nr 3 og 3,5 i str 12 mnd.

Berestykket er fullt av små, nydelege hjarte:
Kjolen ligg forresten på eit babydynetrekk i hardangersaum, som mora mi laga for over 40 år sidan. Ho var då 20 år gamal. Nydeleg arbeid!

Nye bøker

2009-05-25T09:45:00.005+02:00

Det er ikkje så veldig ofte eg kjøper hobbybøker, men i dag fekk eg desse to frå Hobbyklubben: Hekleglede- sidan eg har veldig lyst til å lære meg å hekle.

Spirrevipstrik- fordi tittelen på boka var så artig:-). Boka er dansk, men oppskriftene ser ut til å vere veldig lettfattelege.

Mini-Klukka

2009-05-22T22:09:00.007+02:00

5-åringen bestilte Klukka då ho såg MIN kjole. Ho har sjølv plukka ut fargane: beige, grøn og lys og mørk rosa. Kjolen er strikka i Falk frå Dale på pinne nr 4,5. Eg tok utgangspunkt i Klukkaoppskrifta, som er i vaksenstr.

Den nybakte Klukkaeigaren er i alle fall fornøgd med det ferdige resultatet- og tok kjolen i bruk straks! (Trass sommartemperaturar her...)

Selekjole

2009-05-12T10:52:00.004+02:00

Eg er visst i skikkeleg kjolemodus for tida. Siste tilskot er denne selekjolen, som er strikka etter oppskrift i nøstebarnboka. Den er strikka i New Zealand lammeull, på pinne nr 2,5 og 3. Garnet var utruleg drygt- eg brukte rundt 80 g i str 1-2 år.

Merkelappar

2009-05-06T09:37:00.003+02:00

Desse har eg hatt liggande ei stund- merkelappar til å sy på plagga eg strikkar: Symbola er handvask og ull. Eg bestilte dei her.

Little sister`s dress

2009-05-03T21:08:00.005+02:00

Då er det tidlegare omtalte garnet (Rowan baby alpaca) omsett til ein liten kjole. Oppskrifta fann eg her. Eg strikka str 6 mnd og brukte pinne nr 3,5. Garnet var utruleg godt å strikke av- og kjolen er heilt usannsynleg mjuk!

Manglar berre eit par knappar..... (må gjere alvor av å bygge meg opp eit aldri så lite knappelager, trur eg..)

Ferdig Klukka!

2009-04-29T21:30:00.009+02:00

Då er Klukkaen endeleg ferdig! Mønsteret er henta herifrå. Kjolen er strikka i str M i Falk frå Dale. Den blei ganske passeleg, men litt for varm akkurat no. (Sommartemperaturar her på Sunnmøre no...) Kjolen blir nok god å ha til hausten/vinteren!
Det gjekk eigentleg ganske raskt å strikke denne. Oppskrifta var også veldig lett å forstå.

Klukkaoppdatering

2009-04-16T20:27:00.002+02:00

Hehe, dette blir litt millimeteroppdatering- men eg ville berre vise fargane på Klukkaen min. Hm, ser rosene ut som tomatar, tru?:-)

Baby owlet

2009-04-15T14:09:00.010+02:00

Mitt første prosjekt strikka utifrå ei engelsk oppskrift er ein Baby owlet. Uglemønsteret er utruleg stilig! Oppskrifta fann eg her. Gensaren er strikka av restetråd, truleg Smart, på pinne nummer 5. Eg strikka i str 6-9 mnd, og den passar akkurat til Inga, 6,5 mnd.

Klukka- då er eg i gang!

2009-04-14T20:30:00.007+02:00

Som så mange andre har eg forelska meg i Klukkakjolen. Og no er eg endeleg i gang med MIN!
Eg strikkar i Falk frå Dale, og eg har valt å bruke berre fire fargar: beige, brun, grøn og oransje. Hovudfargen er brun. Skal til på roseborda no, og den blir altså brun, grøn og oransje. Spennande!

Veksejakka

2009-04-08T14:17:00.002+02:00

Då er også veksejakka ferdig. Den er strikka i Sandnes Mini Alpakka i str 1-2 år. Eg har hekla rundt kantane og pynta med eit par hekla blomar.

Baskerlue

2009-04-08T14:13:00.002+02:00

5-åringen vart veldig fornøgd med si nye lue! Den er strikka i dobbel Sandnes Mini Alpakka, og oppskrifta er henta frå Nøstebarnboka.

Babybukse av sokkegarn

2009-04-08T14:07:00.003+02:00

Denne buksa er strikka av fleirfarga sokkegarn. Den har vore nesten ferdig lenge, men i går fekk eg endeleg festa trådar og sydd i knappar. Og jammen passar den fint til Inga på 6 mnd!

2009-04-05T22:10:00.000+02:00

Ebay er farleg! For ei stund sidan kjøpte eg desse to stoffstykka:

Så var det berre å finne ut KVA dei skal brukast til.... Men eg har store ambisjonar om å sy meir enn eg har gjort til no!!

2009-04-05T22:07:00.001+02:00

Etter eit raid på ebay, vart eg den lukkelege eigar av tre nøster Rowan Baby Alpaca. Pinnestr er 4, og førebels anar eg ikkje kva eg skal strikke av det... Garnet er heilt nydeleg i alle fall- mjukt og deilig!!

2009-04-05T21:59:00.000+02:00

Då er veksejakka straks ferdig! I kveld har eg sydd den saman. Neste steg er å hekle kantar og så tenkte eg at skulle prøve å hekle eit par blomster og sy på venstre side. (og eg som ikkje kan hekle.... :-))

Veksejakke

2009-03-25T12:43:00.000+01:00

Akkurat no held eg på med ei veksejakke i str 1-2 år til vesle Inga (straks 6. mnd). Oppskrifta er henta frå Nøstebarn. Eg strikkar den i Sandnes Mini Alpakka, syrinfargen: http://www.sandnesgarn.no/Garn.aspx?garnId=100142&mElement=hGarn

2009-03-25T12:38:00.000+01:00

Jess, då har eg oppretta min eigen blogg!