Ein heil regnboge

Etter at eg la ut dette blogginnlegget for tre veker sidan, fekk eg bestilling på ein slik regnbogekjole.  No er bestillingsverket ferdig og avfotografert i nyvaska tilstand i surt vinterver.

Det grå er Sisu, medan Kauni står for dei fine regnbogefargane.

Det gjekk med nesten 200 gram Sisu og ca 75 gram (eit halvt nøste) Kauni.  Eg strikka på pinnar nr 3,5 og strikka frå halsen og ned.

Eg har ikkje oppskrift til kjolen, så eg strikkar berre på gefühlen.  Kjolen er sånn cirka i str 10 år.

Snøløvvottar igjen

Like men likevel ulike.  Vottepara er strikka av same garn (Fritidsgarn frå Sandnes) og med same mønsterbord (Snøløv).  

Dei beige og brune vottane ber preg av å ha vore på leirskule på Dombås i fem dagar.

Dei kvite og rosa er heilt ubrukte.

Strikka på pinnar nr 6 og tova på førti grader.

Marygenser

Betre seint enn aldri: denne genseren skal systera mi få, som ei svært forseinka 35-årsgåve.  Ho har sjølv valt mønster, som altså er den kjempefine Marygenseren.  Eg har strikka den i Drops Air på pinnar nr 4,5 og 5.

Snøløvvottar

Kjekt med variasjon!  Mønsteret til desse vottane fekk eg inspirasjon til då eg strikka snøløvgenseren no nyleg.  

Det er Marianne Bjerkman som har designa det fine mønsteret, som kan kjøpast her.

Vottane er strikka i Fritidsgarn frå Sandnes på pinnar nummer 6. Dei er tova på førti grader.

Vottar i gråtonar

Denne gongen vart det eit par herrevottar i tre gråfargar: koksgrå, grå og lys grå. Oppskrifta er den same som før: tova mariusvottar i Fritidsgarn frå Sandnes. Pinnar nr 6.

Vinteren har ikkje tenkt å ta slutt på ei stund, ser det ut til. Snøen har lava ned tung og våt dei siste dagane.  Dermed er det framleis behov for varme vottar!