Klassisk mariusgenser

Det finst vel ikkje noko meir klassisk enn dette: ein mariusgenser i dei norske fargane. Genseren er strikka i garnet Smart frå Sandnes og er i str. S.

Vrangbordene er strikka på pinne nummer 3, resten på pinne 3,5. Alle vrangmaskane er strikka vrange.

Bilda er tekne på Nordfjordeid.

 

Blå Louisiana Sweater

Denne vart ferdig i sommar. Det er ein Lousiana Sweater frå PetiteKnit, strikka i tre ulike trådar: Kos frå Sandnesgarn (farge 5521), Plum frå Rauma (farge 067) og lyseblå Nøstebarn totråds merinoull.

Meiner eg brukte pinnar nummer seks på vrangbordene og elles pinnar nummer ni. Strikka i str XS/S- men tilpassa til mottakaren etter kvart. Sidan genseren blir strikka frå halsen og ned, er det enkelt å prøve på undervegs for å finne ut kva tid ein skal dele av til ermar og bol.

Gul Puttygenser

Påska varte visst heilt til juni år.. Dette er ein Puttygenser frå Sandnesgarn, strikka i garnet Kos. Eg starta på den i påska, men fekk ikkje fullført den før no nyleg.

Eg strikka str L på pinnar nummer 5 og 5,5. Oppskrifta finst i eit julehefte frå Sandnesgarn. Mjuk og herleg genser, som eigentleg er veldig kjapp å strikke.

Haukeligenser

Det er kjekt med slike små prosjekt som blir raskt ferdig. Dette er Haukeligenser frå Klompelompe-boka "Strikk til store og små anledninger." Genseren er i str eitt år, og er strikka i alpakka frå Sandnes. Pinnar nummer 3 og 3,5.

Genseren er strikka frå halsen og ned, det vil seie at du gjer frå deg alt det gøye (mønsterstrikk) med ein gong. Oppskrifta er godt forklart og legg å følgje.

No skal genseren sendast til ein liten mottakar i London.

Eg brukte icord-felling på bol og ermar, det hindrar vrangborda å rulle seg opp.

Mariusgenser i alpakka

Eg nyttar kvart høve til å gje strikkaplagg i gåve:-) Denne Mariusgenseren var konfirmasjonsgåve no i september.

 

Genseren er i str S, og er strikka av alpakka frå Sandnes. 

Dei to døtrene mine, den eine i Mariusgenser, den andre i Loppisgenser frå Pickles.

Alle gode ting er tre (mariusgenserar på tjukke pinnar)

Det er rart med det: det er artig med prosjekt som gir raskt resultat. Frå før har eg strikka to mariusgenserar på tjukke pinnar. No strikka eg ein til meg sjølv.

Eg strikka denne av Skappelgarnet Myk og Nøstebarn sin tretråds merinoull(det grøne). Mønsteret er strikka i grå Kos og grå alpakka frå Sandnesgarn. Pinnar nummer 8 og 9, storleik M/L.

Elleveåringen fekk ein blå genser for ikkje så lenge sidan.

Episode 2: Mariusgenser med ny vri

Okei, eg lovde at det skulle kome ein episode 2 om mariusgenseren med ny vri (dobbelt garn og tjukke pinnar). Her finn du Episode 1. Altså: elleveåringen fall fullstendig for den første genseren, den som tanta skulle få. Og sidan eg hadde masse garn igjen, hadde eg ikkje noko argument for å sleppe å strikke ein genser til.

Også denne er strikka i ein tråd Pus frå Du store alpakka og ein tråd alpakka frå Sandnes Garn. Eg følgde oppskrifta til str S. Pinnar: 8 og 9.

Mottakaren vart strålande fornøgd i alle fall!

Episode 1: Mariusgenser med ny vri

Eg har ikkje tal på kor marius-plagg eg har strikka, det er eit mønster eg aldri blir lei av. Så då det nyleg kom endå ein ny variant, på tjukke pinnar, frå Sandnes Garn, måtte det sjølvsagt testast.

Genseren skal eigentleg strikkast i éin tråd Børstet Alpakka og éin tråd Kos. I garnlageret mitt finst ikkje desse garntypane, så då brukte eg heller Pus frå Du store alpakka og Alpakka frå Sandnes Garn. Fargenummeret på Pus-garnet var 4004, medan alpakkagarnet var farge nummer 6081 (djup blå).

Eg strikka etter den minste storleiken (S), som skulle få ei overvidde på 108 cm. Vrangbordene er strikka på pinnar 8, resten på pinnar nummer 9. Med så tjukke pinnar går det raskt unna!

Eg strikka både ermar og bol litt lengre enn det oppskrifta sa, og det vart veldig ok. Elleveåringen melde seg frivillig til å stå modell då genseren skulle fotograferast før den skulle sendast til mottakaren. 

Ho fall fullstendig for genseren, og difor kjem det snart ein episode 2- der ein ganske lik genser er involvert....

3xNoragenser

Eg har (kremt) eit velfylt garnlager- og er glad for det. Desse tre genserane er alle strikka av lagergarn.

Mønsteret heiter Noragenser og kjem frå Guttenogstrikkemor. Originalgarnet er merinoull frå Sandnes Garn, eg har brukt alpakka frå same produsent. Vrangbordene er strikka på pinnar nummer 3, resten på pinnar 3,5. Garnet er fantastisk mjukt, men ikkje det lettaste viss målet er å få til jamn mønsterstrikk- då er nok merinoull betre eigna.

Denne rosafargen er utruleg fin! Den heiter mørk gamalrosa og har fargenummer 4244. Det brune er nummer 2652, medan "lusa" er strikka av kvitt garn nummer 1001. Gråfargen som er brukt på den midterste genseren er nummer 1042. Den minste genseren har same brunfarge som dei to andre, i tillegg til rosa nummer 3511 og kitt nummer 1015.

Mønsteret finst i str frå 1 til 8 år. Den grå genseren er strikka etter 8 år, medan eg auka masketalet litt for å få den rosa ca i str 10 år. Den minste vil eg seie er i str 6-9 månader.

Bilda blei tekne i hui og hast i stiv kuling for eit par veker sidan- og er no trygt framme ho tre tanteborn lengre sør på Vestlandet.

Trær

Puh, dette var ein ganske langdryg affære: Trær-genser frå kolleksjonen Sandesgarn har laga i samarbeid med Cecilie Skog.

Genseren er strikka i originalfargane: rustbrun og kitt Babyull Lanett. Vrangbordene er strikka på pinnar nummer 2,5, resten på pinnar nummer 3.

Mottakar ønskte seg str XS, men med ekstra lengde på ermane.  

Veldig fint mønster, men det tek si tid å strikke: ikkje éin omgang utan mønster og ganske tynne pinnar.