Sjømannsvottar

Stundom får eg spørsmål om å strikke for andre. Det tek eg som ei tillitserklæring:-)  Desse vottane er altså strikka på bestilling. Vottar til ein sjømann. Kompassroser og styrbord- og babordvott.

Tomlane har fått farge etter lanternelysa.  Vottane er strikka i Trysil på pinnar 2,5 og 3.  Mønsteret er henta herifrå:  http://www.joridweb.com/butikk/butikk.html

Artig skrue-hettelue

Denne lua frå Pickles (http://www.pickles.no/artig-skrue- hettelue/) har lenge stått på skal-snart-strikke-lista mi.  Femåringen er vel snart for stor for slike luer, men denne fall faktisk i smak.  

Det gule er babymerino frå Pickles, det brune er alpakka frå Drops. 

Heile lua er strikka i dobbel tråd på pinnar nr 5.

Veldig enkel vest

To kveldar med pinnar nr ni resulterte i ei kjapp bursdagsgåve. Ein enkel vest av ein tråd Alpaca boucle frå Drops og ein tråd babyalpakka frå Rowan. Dette gjekk veldig raskt unna!

Fargane er vanskelege å få fram i haustmørket, men eg har altså brukt ein tråd grå og ein tråd støvrosa.

Ca str 6 år, strikka etter innfallsmetoden- men inspirert av Pickles sin enkel vest.

Knappen er handplukka av femåringen, som skal gje vesten i gåve i morgon.

Frække striber

Jess, denne tunikaen heiter Frække striber. Dansk design, strikka i dobbelt Rasmillas yndlingsgarn på pinnar nr 4,5.

Eg synest ikkje den vart så veldig frekk, truleg fordi eg valde litt rolegare fargar enn forslaget i oppskrifta.

Med sju fargar i vilkårlege striper seier det seg sjølv at det kan verte kaotisk. Balansen ligg i at alle stripene er like store- åtte omgangar kvar.

Eg strikka str L, men ferdig var den heller XXL... Eg tova den difor lett på 40 grader i maskin, og då vart den akkurat passeleg:-) Garnet er blanding av lammeull og bomull.

Den store tantetesten

Inga, straks 5, blir tante i desember. Og då må det øvast. Dagens øving: kle på Storedokka den nystrikka dressen, som er tiltenkt den komande tanteungen. Slik gjekk det:

Vanskeleg å få beina inni....

"Ååå, ikkje ta fleire bilde då!!!!"

Siste erma går fint.

Og så var det knappane.

Jess, DER er dressen på!!!

Mønster og garn er frå Pickles.Eg har strikka den i str 0-3 mnd.

Retro: Genser med rundfelling

Denne utruleg fine genseren er rundt tretti år gamal. Mamma strikka den til meg på 80-talet og den er like fin framleis.

Eg hugsar at mamma fann oppskrifta i eit vekeblad, truleg Hjemmet. Men eg anar ikkje kva garn ho brukte.

Lille frøken seilergenser

Endeleg! Niåringen har venta ei stund på denne genseren- ho har nemleg følt seg forbigått på strikkeproduksjonsfronten dei siste månadene.

Genseren er strikka etter Pickles sitt mønster Lille frøken seiler-genser, og kombinasjonen tweed og angora er spennande.  Resultatet er eit herleg, mjukt plagg!

Sommaren er definitivt over her på Sunnmøre, men det er litt blåbær igjen like ved huset vårt.

Ermane er strikka 10 cm lengre enn det er oppgitt i oppskrifta. Det førte til at eg fekk knapt med garn og måtte ta litt raske fellingar mot slutten. Trur likevel det vart ok.