22. juli 2013

Resteteppe

Ein diger pose med restegarn, ei hytte på fjellet og mange strikkevillege sjeler.  Håpet er at dette ein gong vert eit varmt og godt teppe. På hytta, sjølvsagt.
Etter fleire tiår med strikking har det hopa seg opp ein del restegarn, for å seie det mildt. Ideen til restegarnsteppe fekk eg i boka Håndarbeider fra Hagen av Arne og Carlos. Enkelt: 250 maskar på rundpinne nr 3,5. To omgangar med ein farge, skift farge og strikk to nye omgangar. Skift farge. Hald fram til nøstet er slutt. Plukk vilkårleg eit nytt restenøste frå den store posen. Det er strengt forbode å planlegge fargeskifta, nemleg.
Tre generasjonar i to døgn på hytta gav resultat, men det må framleis strikkast masse for å fullføre prosjektet.  Både mamma, 9,5-åringen, 8-åringen og eg sjølv bidro.  Alt garnet er i ull og i alle andre fargar enn grått, svart, beige, kvitt og brunt- DEI har eg samla i ein eigen pose.  Som kanskje blir eit eige resteteppe ein gong...
Her og her kan du sjå andre som også strikkar/har strikka eit slikt teppe.

2 kommentarer:

  1. Så kjekt når alle bidrar! Skikkelig dugnadsteppe!

    SvarSlett
  2. Heldig du som har så mange som vil bidra med teppestrikkinga!
    Jeg har strikket på teppet i noen kvelder nå, og kjenner jeg må ta en pause -skuldrene klager... :(

    Blir spennende å se ditt teppe ferdig:)

    SvarSlett