25. august 2013

Gul nostalgi

Vogna mi frå barndomen vert leika med igjen, og eg likar å tru at den set pris på det. No er det snartfemåringen som fyller den snart førti år gamle vogna med dokker og bamser. Og dokker og bamsar treng sjølvsagt dyne! Dynetrekket er sydd av eit gamalt dynetrekk i passeleg retrostil.
Vogna fekk eg i julegåve i 1975 då eg var fire år, og eg meiner framleis at det er den finaste og beste julegåva eg nokon gong har fått.  Den er laga på Grepafabrikken i nabokommunen Ørsta, og er ein tru kopi av barnevognene som også vart laga der.
Både vognproduksjonen og fabrikken er historie no, diverre. EG brukte vogna mest til å frakte katten inne og ute. No passar eg på den som ein smed, og tillet bruk berre under strengt tilsyn:-) For eg er livredd for at vogna skal verte øydelagd.
Denne helga har vi forresten hatt fantastisk ver!








24. august 2013

Marius til Marius

Alle som heiter Marius bør ha minst eitt mariusstrikkaplagg. Det meiner i alle fall eg! Denne jakka var 40årsgåve til svoger Marius. Strikka i Smart frå Sandnes, str L.