28. desember 2019

På Marius-køyret igjen....

Det har nesten vorte ein tradisjon: i tida før jul lagar eg tova Mariusvottar. Eg finn stadig nye personar eg kan "prakke" på eit slikt vottepar, he he. I år blei det tolv par vottar og seks par Mariustøfler. Tøflene rakk eg ikkje ta bilde av før dei vart pakka inn.  Votteoppskrifta finn du her. Og oppskrifta på tøflene ligg her.
Alt er strikka i Fritidsgarn frå Sandnes på pinnar nummer seks. 





26. desember 2019

Retrojakke

Eg har ein del Nepal frå Drops liggande, og då eg skulle strikke julegåve til mora mi-fall valet på retrojakka. (Sekstenåringen stilte opp som modell før jakka vart pakka inn.)
Oppskrifta er i boka Strikk med raske pinner, som Kristin Wiola Ødegård gav ut i 2013. Eg brukte to gråfargar, natur og tre rosafargar. Jakka er kjapp å strikke, sidan det blir brukt pinnar nummer seks.

Eg strikka str S, og i følgje rapport frå mottakaren, passa jakka perfekt.


6. november 2019

Grå krigergenser


I løpet av hausten har det også vorte ein grå krigergenser (les om den brune her)
Denne beheld eg sjølv! Veldig mjuk og varm, og artig å strikke frå halsen og ned. 

5. november 2019

Haustlue som matchar nausta

I slutten av september var eg på Bergen Strikkefestival i Salhus. Der kjøpte eg oppskrift og garn til ei lue- og her er resultatet.
Garnet er Museumstvinn frå Salhus Trikotasjefabrikk, og oppskrifta vart lansert før strikkefestivalen i fjor. Her kan du lese meir om det.
Då den ferdige lua skulle fotograferast, oppdaga vi at fargane passa perfekt til ei rekkje med naust på Osnessanden her i Ulstein.
Lua er strikka i tre ulike fargar på pinne nummer 3,5. Og garnet? Fantastisk godt å strikke av!

4. november 2019

Skoggenser

Også den eldste dottera ønskte seg Skoggenser, så då vart det ein lysegrå variant. 
Genseren er i str XS og er strikka i Kos frå Sandnesgarn.
Her er begge to!

3. november 2019

Brun krigergenser

For ein herleg genser! Krigergenseren frå Pickles er strikka frå halsen og ned, og har fine fellingar/aukingar i sidene.
Genseren er strikka i Pickles Cozy og storleiken er XS. Vrangbordene er strikka på pinnar nummer 5,5, resten å pinnar nummer åtte.




27. oktober 2019

Lettvintdress

Sett noko så nusseleg??? 
Mitt nyaste tantebarn ønskte seg visst ein lettvintdress, så det måtte eg sjølvsagt ordne. Dressen er strikka i str 3 mnd, og eg har brukt Drops Baby Merino (det kvite og det lilla) og Drops Flora (det gule.) Dressen passar bra, men det går nok ikkje lenge for ho har vakse ut av den.
Dressen var langt frå lettvint å strikke, etter mi meining. Eg måtte heile tida ha eit auge på oppskrifta, sidan det var fellingar og knapphol og rette og vrange maskar.... 
Men dressen vart fin! 


26. oktober 2019

RETRO: Genser med pepitaruter


Det har gått meir enn tretti år, kanskje nesten trettifem år, sidan den svarte og rosa genseren såg dagens lys.
Denne genseren strikka eg ein gong på ungdomsskulen, og sidan eg av prinsipp ikkje kastar strikkaplagg, dukka denne opp i heime no. Og jammen passar den fint til 11-åringen!
Eg hugsar ikkje alle detaljar, men eg meiner eg strikka genseren i eit mjukt garn frå Rauma. Mønsteret teikna eg sjølv, tydeleg inspirert av dei alltid aktuelle pepitarutene. I halsen er det taggekant, ser eg.
Genseren har isydde ermar, akkurat DET måtte mamma gjere- for på den tida hadde eg ikkje lært meg den kunsten.

11. oktober 2019

Skog-genser

Dette var ein lettstrikka genser! Skog-genseren er eit samarbeid mellom Cecilie Skog og Sandnesgarn. Eg har strikka den i fargen lys blå nr 5521 i garnet Kos- etter ønske frå mottakaren.
Vrangbordene er strikka på pinnar nummer 4,5, resten på pinnar nummer 6. Eg strikka str XS, og det passa perfekt. Inntrykket er at storleikane er ganske romslege. 
Garnet er ok å strikke av og genseren kan ifølgje mottakar vere rett på huda utan at det klør. 
Ser du trea/skogen i mønsteret..? 
Mønsteret på rundfellinga synest eg var enkelt og greitt, og oppskrifta var lett å følgje. 


12. juni 2019

Kosegenser

Dette er ein Kosegenser. Oppskrifta er henta frå boka "Garnglede i Rosendal", og originalgarnet er Fritidsgarn frå Sandnes. 
Eg gjorde ein vri, sidan eg har ein del garn på lager (kremt): eg strikka med ein tråd Lettlopi og ein tråd Pickles pure wool. Lettlopi-fargen heiter Rust heather (nr 9427). Pickles-garnet heiter Høstløv og har nummer 115. Begge fargane er kjempefine åleine og saman vart dei endå finare! 
Mønsteret er strikka i lys grått Fritidsgarn. Heile genseren er strikka på pinnar nummer seks. Storleiken er M/L.