29. desember 2009

Baskerlue

Oppskrifta er henta frå Nøstebarnboka. Garn: dobbel mini alpakka frå Drops, pinnar nr 5. Mottakaren er litt skeptisk til heile lua...:-)


27. desember 2009

Topp med bladmønster

Ikkje overraskande- eg klarte ikkje å la strikkepinnane kvile i jula. Denne toppen var rask å strikke. Mønsteret er henta frå Sandnes. Eg har brukt mini alpakka frå Drops, pinnar nr 3,5 og 4. Str 1 år.

Bak har toppen fått ein liten epleknapp:

22. desember 2009

Monsterbukse

Denne blei ferdig i går- monsterbukse ca str 6 år. Den er strikka i Heilo frå Dale, pinne nr 4,5.

9. desember 2009

Bukse

Ribbestrikka ullbukse i str ca 6 år. Tre rette og tre vrange. Eg har brukt Smart frå Sandnes og pinnar nr 4,5.


22. november 2009

Produksjonen går litt tregt for tida, men her er ein liten veksebody. Strikka i tynn alpakka frå Du Store Alpakka. Pinne nr 3. Manglar knappar, men det skal eg nok få ordna:-)!

1. november 2009

Milo igjen....

Eg har gjort det igjen; strikka ein Milo... Denne gongen av ein rest Rowan Baby Alpaca, ca 80 gram. Str 3-6 mnd.

25. oktober 2009

Monsterbukse

Her fekk litt av restegarnet bein å gå på! Buksa er strikka på pinne nr 3,5, og eg har brukt garn som Smart, Heilo, Peer Gynt.... Mønsteret fann eg her. Buksa er i str 4-5 år.


4. oktober 2009

Tova babyvottar

1-åringen treng sovevottar i barnehagen. Dermed vart desse til- vottar med lang vrangbrod og tova "hand". Vrangborda er strikka i Dale babyull, resten i Rauma finull.

Oppskrift:
Legg opp 52 m på pinne nr 2,5 med babyull. Strikk så langt du vil ha vrangborda. Den siste omgangen strikkar du rett og feller 22 m, dvs 30 m igjen på pinnnane.
Skift til pinnar nr 5 og finull. Set eit merke i byrjinga og etter 15 m. Auk 1 m på kvar side av merka på annankvar pinne 2 gongar. Då har du 38 m.
Eg strikka 11 cm før eg starta på fellinga: fell 1 m på kvar side av merka på kvar omgang. Når det er 6 m igjen dreg du ein tråd igjennom dei.
Tov! Eg vaska dei på 60 grader.

13. september 2009

Milo nr 4 og 5

Eg kjem stadig tilbake til favorittoppskrifta mi! To nye Milovestar er ferdige. Garnet er henta frå restelageret, og begge er i str 3 år. Den sjøgrøne er strikka i Heilo frå Dale, medan den burgunder er i Smart frå Sandnes. Begge er strikka på pinne nr 3,5, og eg brukte 150 gram garn på kvar.


5. september 2009

Isskrapevott

Framleis ei stund til vinteren kjem- men her er ein isskrapevott eg har laga. Oppskrifta fann eg i denne bloggen. Har brukt garna Tove og Fluffy og pinnar nr 4,5.

23. august 2009

Rullegenser

Då har fireåringen fått seg ny genser. Den er strikka i Classic Alpakka frå Drops, pinner nr 3,5. Har brukt oppskrift frå Nøstebarnboka- la opp i 2årsstr, strikka etter måla i 6årsstr.

Fann ikkje tre like knappar i lageret mitt, så eg drista meg til å bruke tre ulike:Genseren er mjuk og god- men fireåringen nektar førebels å prøve den.... Men eg reknar med at den blir brukt til hausten/vinteren!

2. august 2009

Toppstykke

Endeleg er Lille Topstykke ferdig! Fargen heiter lyng, så då vart det posering ved røsslyngen bak huset vårt. Mottakaren er, som vanleg, strålande fornøgd. Tunikaen er strikka i str 6 år på pinne nr 3,5 og eg brukte knapt 100 gram garn.

1. august 2009

Strikkebøker

Her er mine to siste kjøp: to strikkebøker med oppskrift på babyklede. Begge er på engelsk.
Denne har over førti oppskrifter frå 1920- til 1950åra. Mykje fint og delikat!

Dette er bok nummer 19 frå Rowan Classic. Utgitt i 2007, kjøpt på ebay. Her er det oppskrifter til både mor og barn.

21. juli 2009

Topstykke undervegs

Det har vore dårleg med oppdatering her i det siste. Årsak; ferietur og jobbstart. Men altså- eg driv stadig med handarbeid. Akkurat no strikkar eg på Lille Topstykke i str 6 år. Det er absolutt eit tolmodsarbeid, for garnet er tyyyynt. Men kjolen/tunikaen blir utruleg mjuk og god!
Garnet er også veldig drygt, eg har brukt nesten 50 gram så langt. Gler meg til å sjå det ferdige resultatet!

4. juli 2009

Klutar

Eg måtte strikke noko i bomull i sommarvarmen, og då blei det oppvaskklutar. Den turkise og den kvite er strikka i Paris frå Drops, medan den grøne og den rosa er strikka i Føn frå Gjestal. Alle er strikka på pinne nr 3,5 og eg har brukt 50 g gram på kvar klut.
Mønsteret er av enklaste sort; 3 rette og ein vrang på alle omgangane, noko som gir ein veldig fin effekt.

1. juli 2009

Vest i silkeull

Denne er strikka i geilsk silkeull på pinne nummer 4. Str er 1-2 år og mønsteret er frå Nøstebarnboka.
Epleknappar:
Eg brukte knapt 50 gram med garn.

26. juni 2009

Maskemarkørar

Følte at det var på tide å skaffe meg nokre skikkelege maskemarkørar- etter å ha brukt bindersar, garnstumpar, sikkerheitsnåler.... i alle år. Som tenkt så gjort; etter eit kjapt besøk på ebay vart eg eigar av desse herlege pingvinane:

23. juni 2009

Milo nr 2 og 3

Etter å ha strikka vesten Milo, måtte eg berre strikke fleire!! Denne gongen vart det ein brun i str 3 år og ein raud i str 1 år. Begge er strikka på pinne 4 i Classic Alpakka frå Drops.
Den brune har ugleflettemønster. Til denne gjekk det med knapt 150 gram garn.
Detalj frå flettemønsteret. Den eine ugla har fått påsydd auge.
Den raude vesten har oxox-flettemønster. Eg brukte 100 gram garn til denne.

21. juni 2009

Pakke i posten

Det er alltid kjekt å få pakke i posten! I går kom det dettande ein pakke frå http://www.geilsk.dk/- Oppskrift og garn til Lille Toppstykke. Har tenkt å strikke det i str 6 år, men kva tid eg får starta, tja, sei det.... Fargen heiter lyng, forresten.
Eg bestilte også eit nøste Geilsk silkeuld- førebels anar eg ikkje kva eg skal bruke det til. Nokon som har eit forslag?????

16. juni 2009

Milo

Denne oppskrifta vil eg varmt anbefale! Vesten Milo er designa av Georgie Hallam, eg såg den på ravelry.com for ein månad sidan, men først for nokre dagar sidan vart oppskrifta lagt ut.
Vesten kan strikkast i str frå nyfødd og opp til 4 år. Den skal strikkast i eitt stykke og er rask å strikke! Eg brukte berre nokre timar på denne, som er i str 6 mnd.
Miloen min er strikka på pinne nr 4 i Classic alpakka frå Drops. Eg brukte knapt 100 gram garn. Denne skal eg gje i gåve til ein liten ny verdsborgar. Men det blir garantert fleire av desse!!

15. juni 2009

Indianarkjole

For ei stund sidan kjøpte eg boka Spirrevipstrik av Britta Wilfert- og det første prosjektet frå boka vart indianarkjolen. Eg har strikka den på pinne nr 5 i Merino Extra Fine frå Drops (beige, brun, rosa og grøn) og ein rest med alpakka frå Sandnes (lyng).


Det var artig å strikke mønsteret, mest fordi stripene gjorde at eg såg kor arbeidet voks. Eg strikka først skjørtet, så to dei to berestykka. Kjolen er i str 6 år. Og som vanleg vart det ferdige prosjektet teke i bruk med ein gong! Bilda er knipsa før avreise til barnehagen ein vermessig sur sommarmorgon.