Grimaseluer

Vinteren nektar å sleppe taket her på Sunnmøre, men vi er like blide og tøysete!  Det er lenge til luene kan leggast vekk, og luer blir det aldri nok av.   Desse tre er strikka i alpakkarestar på pinne nr 3, og er inspirert av fwss-luene.  Eg la opp 110 maskar. 

Mathea (9)

Tord (7,5)

Inga (4,5)

Gi vekk!

Har du enno ikkje skaffa deg boka Retromasker av Tine Solheim?  Då har du ein unik sjanse no!  Eg oppdaga nemleg at eg har to slike bøker (kremt....), og det er sjølvsagt ei for mykje.  Så i dag er eg i det gavmilde hjørnet.  Legg igjen ein kommentar og du blir med i trekninga!  Avslutning 14. april, og vinnaren får boka tilsendt:-)

Omtale hos Bokkilden.no: Retromasker er Tine Solheims tredje bok. Inspirasjon har hun funnet i gamle historiske mønstre. Plaggene kan brukes til hverdags, på jobb, på tur og til pent. Nytt i denne boken er kapitlene til barn og ungdom. Her er det noe for en hver smak. Alle oppskriftene er samlet i et oppskriftshefte bak i boken.

Skyskrapartunika

Tunikaen er ei fin blanding av mønsteret Cityscape (HER er lenke til Ravelry) og Mariustunika. Strikka i finull  frå Rauma på pinnar nr 3 (puh!).  Eg gjekk altså utifrå oppskrifta til Mariustunika str 10 år, som eigentleg skal strikkast i Sisu.  Så no har Mathea ein heil by på skuldrane sine! 

Restevottar

Lageret av tynn ull er ganske omfangsrikt, og minkar ikkje av seg sjølv. Desse to vottepara er strikka etter oppskrift i Nøstebarnboka.  Begge i str 5-6 år, ca.

Dobbel tråd; ein blå og ein mørk grå.

Dobbel tråd; ein gul og ein lilla. 

Påskevottar!

Farmengenser

Desse stripene og fargekombinasjonen bør vere kjend for dei fleste, for dette var eit av dei mest omdiskuterte strikkaplagga i 2012.  TV2 vart nemleg klaga inn for PFU (Pressas faglege utval), pga denne genseren. (Meir her).

Vel, eg likar genseren veldig godt, både pga fargane og passforma.  Difor har eg strikka den til meg sjølv! Det er Raumagarn som i samarbeid med TV2 har laga genseren til Farmenprogramleiar Gaute Grøtta Grav.  Min er strikka i Mitu, (50/50 ull/alpakka).

Str L, pinnar nr 3 og 3,5.  Den vart akkurat passeleg og varmar godt.

Pakke

Pakke i posten er alltid gøy!  Denne kom frå ei dame i Trøndelag, som også er med på hemmeleg venn-runde på hobbyboden.com. Tynt ullgarn, blåbærte og maskemarkørar. Takk!

Lestar/sokkar

Eg er ingen stor sokkestrikkar.  Eg har aldri vore det, har aldri prøvd å bli det, og veit ikkje om eg nokon gong blir det.   Men då Sandnes kom med eit nytt sokkegarn, der mykje er alpakka, ja, då måtte eg nesten prøve.  Resultatet vart dette paret i ca str 5-6 år.  Eg strikka etter oppskrifta som følgde med garnet, men brukte pinnar nr 3 i staden for pinnar nr 3,5.

Her kan ein ane litt kor mjukt dette garnet er.