26. november 2014

Eit ærefullt oppdrag


Endeleg kan eg fortelje det: eg har strikka eit av plagga i Kofteboken!!!  Boka er eit resultat av den store koftejakta, med Liv Sandvik Jakobsen og den danske strikkeguruen Lene Holme Samsøe i spissen.  Saman med eit par hundre andre strikkarar melde eg meg i sommar til dugnad for å strikke alle plagga som skulle vere med i boka. Eg fekk tildelt denne barnejakka, som i boka har fått namnet Sommerlett.
Jakka er strikka i Rauma Inca Alpakka på pinnar nr 3. Eg brukte 2-3 varme sommarveker på prosjektet- og fann fort ut at alpakka og varme ikkje er ein god kombinasjon.  Vart ganske sveitt i hendene, gitt.
6-åringen min stod modell før eg sende jakka til Liv og Lene. Str er 6 år, men litt liten til jenta mi.
Jakka er strikka frå halsen og ned, og eg følgde mønsteret og strikka fram og tilbake. DET vil eg ikkje anbefale, for det er fire fargar på enkelte omgangar og vanskeleg å strikke jamnt. Eg trur det er betre å strikke rundt og så klippe opp til knappestolpane. 

Veldig artig å sjå jakka "mi" i boka!!


3 kommentarer:

  1. Nydelig jakke! Det arbeidet kan du være stolt av ja.

    SvarSlett
  2. Så morsomt oppdrag. Kjempe flott kofte og veldig stilige bilder.

    SvarSlett
  3. Morsomt å være med i bokprosjekt :) Nydelig jakke og jente!

    SvarSlett