25. mai 2020

Nøstepleddx3

Veldig mange kjenner klassikaren Mor Signes babyteppe, strikka av ull frå Nøstebarn. For ei stund sidan lanserte dei ein større variant: Nøstepledd. Medan babyteppet er strikka med éin tråd, er Nøstepleddet strikka med heile fire trådar.
Oppskrifta, som du finn gratis her, seier at ein skal bruke anten dobbel tråd Vestlandsull, eller to trådar merinoull og to trådar silkeull. Eg har gjennom åra opparbeidd meg eit stort lager av totråds merinoull frå nettopp Nøstebarn, og såg difor her ein sjanse til å bruke ein del av det. 
Teppa er strikka på pinnar nummer ti frå hjørne til hjørne, og til kvart teppe har eg altså brukt 800 gram totråds merinoull. Teppa blir rundt 1,70x1,70m, og er rett og slett heilt fantastisk mjuke og varme.  
Det gjekk overraskande raskt å strikke, faktisk. 
Vanskeleg å gje eit rett inntrykk av kor store teppa her, men dette bildet viser vel litt:

2 kommentarer:

  1. Babyteppe ser ut veldig koselig.
    Sikker en deilig prosjekt med strikkepinner ti.
    Jeg liker :-))
    Ha en fin fin kveld.
    Hilsen fra Viola

    SvarSlett
  2. Nydelige tepper :) Lurt å strikke voksentepper, de er som regel fode å ha

    SvarSlett